Image Credit: Cuson Lo 今個月嘅捐款對象係澳洲嘅野生動物拯救組織 WIRES Wildlife Rescue，為遠在南半球澳洲受森林大火影響袋鼠、樹熊以及其他野生動物出一分力。 樹熊鍾意嘅尤加利樹，樹葉入面蘊含嘅樹油其實好惹火，啲樹葉樹皮跌晒落地已經係森林大火嘅計時炸彈，而當啲樹油蒸發咗，就等於易燃液體變成易燃氣體，著火風險大增。悉尼市郊著名景點「藍山」(Blue Mountain) 之所以叫做藍山，就係源自呢啲尤加利樹油蒸發咗嘅油氣，連同大氣中嘅塵埃同水氣，喺陽光照射下形成一層藍色薄霧。當遇著夏天氣溫炎熱空氣又乾燥，就好容易著火。換句話講，其實澳洲夏天有森林大火唔算得上係新聞，只係每隔幾年就會有一單特別嚴重。 有專家認為森林大火係自然嘅一部份，因為罪魁禍首尤加利樹其實係既得利益者，大火會摧毀其他競爭嘅植物，而尤加利樹嘅種子會喺大火中破殼而出，喺肥沃嘅灰燼上面快速生長「搶地盤」。另外亦有專家發現某啲雀鳥會為咗捕捉食物而「放火」，所以澳洲嘅森林大火唔一定係人為導致。 大自然中各種生物都有佢嘅「搵食方法」，咁我哋人類又係咪應該因