雖然最近唔少航空公司開始提供 Inflight WiFi，但係多數都收費高昂，通常維番幾舊水港紙走唔甩，有啲甚至仲限制得果一百幾十 MB，限住用真係好冇癮。 部分航空公司嘅 Inflight WiFi 係可以用 Boingo 登入（Boingo 係一個全球 WiFi 服務供應商），而部分同 Boingo 有合作嘅銀行發行嘅高階 MasterCard 客戶係可以免費獲得 Boingo 戶口。 - 雖然係要輸入信用卡 number 嚟驗證獲取資格，但 Boingo 寫明唔會用呢個信用卡資料收取費用。 - 根據 Boingo 網頁資料，合資格 MasterCard 卡主嘅 Boingo 戶口係包括 Inflight WiFi。 換句話講，根據以上兩點，即係你有張開到個免費 Boingo 戶口嘅 MasterCard ，就有機會有免費 Inflight WiFi 用。 步驟如下: 1. 去 Boingo for MasterCard holders 嘅網頁，輸入卡號查詢係咪符合資格，符合嘅話就登記開番個 Boingo 戶口。 2. 上飛機之前記得

廿年前香港新機場開幕時，黃子華有句金句，「以前去旅行就去機場搭飛機，而家去旅行就係去機場」。但計我話，今年應該係「去旅行就搭飛機去機場」先至啱，究竟去邊個機場咁把炮？之唔係全球冧巴溫嘅新加坡樟宜機場囉。 樟宜機場最新果部份 －「星耀樟宜」（Jewel Changi，下稱 Jewel）今年 4 月 soft opening，但果時好多嘢都仲未整好，而家先至真正完工見得人。 其實 Jewel 根本就係 Garden by the Bay 嘅商場 + 機場版，所以我覺得應該叫做 Garden by the Airport 更加貼切。最矚目當然係中間個高 40 米，號稱全球最高嘅室內瀑布「HSBC Rain Vortex」。 Jewel 入面有好多餐廳，地庫又有 food court，我諗可以住喺度一個星期都食唔晒咁多嘢。住喺度? 係呀，Jewel 入面有間叫 Yotel 嘅酒店，房仔細細主打轉機客，比起市區正式酒店又平少少，都好 OK 㗎。 Jewel 比較特別嘅係有 Shake Shack （我知香港都有，但係唔去得），裝修幾有特色嘅 Starbuc

去日本一定少不了去 AEON shopping，識得秘技就隨時可以慳到高達 15.5% 折扣。 退稅 購物（符合退稅資格商品）滿 5,000 円（稅前）就可以退稅，視乎商品種類，可以慳番介乎 8% 至 10%。 貼士1：退稅 counter 嘅服務時間可能會同其他店舖營業時間唔同，如果係晚間 shopping，開始血拼之前記得留意返退稅 counter 嘅服務時間先喇。 貼士2：AEON 嘅退稅係可以喺唔同部門／層數買野夾單嘅（限當日），唔駛夾硬一張單買夠 5,000 円（稅前）。 Happy Coupon 手機 browser 搜尋「 AEON Happy Coupon」，show 個 barcode 比收銀員睇，合資格商品就可以有 5% 折扣優惠。 貼士：因為 Happy Coupon 係 target 外國客人，所以部分偏遠地區嘅 AEON 可能會冇呢個優惠，自駕遊嘅朋友就要特別留意呢點。 WAON 積分卡（WAON POINTカード） AEON Mall 會放「WAON 積分卡」出嚟俾顧客免費自取，即拎即用開始賺積分。每 200 円消