去日本一定少不了去 AEON shopping，識得秘技就隨時可以慳到高達 15.5% 折扣。
退稅
購物（符合退稅資格商品）滿 5,000 円（稅前）就可以退稅，視乎商品種類，可以慳番介乎 8% 至 10%。
貼士1：退稅 counter 嘅服務時間可能會同其他店舖營業時間唔同，如果係晚間 shopping，開始血拼之前記得留意返退稅 counter 嘅服務時間先喇。
貼士2：AEON 嘅退稅係可以喺唔同部門／層數買野夾單嘅（限當日），唔駛夾硬一張單買夠 5,000 円（稅前）。
Happy Coupon
手機 browser 搜尋「 AEON Happy Coupon」，show 個 barcode 比收銀員睇，合資格商品就可以有 5% 折扣優惠。 貼士：因為 Happy Coupon 係 target 外國客人，所以部分偏遠地區嘅 AEON 可能會冇呢個優惠，自駕遊嘅朋友就要特別留意呢點。
WAON 積分卡（WAON POINTカード）
AEON Mall 會放「WAON 積分卡」出嚟俾顧客免費自取，即拎即用開始賺積分。每 200 円消費賺 1 分（價值 1 円）。 WAON POINTカード 官網登記番個人資料之後，每次俾錢同收銀員講使用積分（Point Use）就可以扣減消費。呢度相等於 0.5% 折扣。 貼士1：AEON Mall 內嘅非 AEON 商舖，例如餐廳食肆，好多都可以賺分／用分。埋單俾錢時可以留意吓用唔用得，或者 show 俾店員睇等佢話你知得唔得。 貼士2：AEON 有一款具備儲值功能嘅「WAON 卡」，果款卡係要俾錢買嘅，唔好拎錯。免費嘅 「WAON POINTカード」係寫明「無料」，即係免費嘅意思。
[頭盔] 詳情請留意番官網，一切以官網及店舖職員解釋為準。
想慳得更多？
LIKE 我哋「激安の両替 DonkiFX」專頁，除咗旅遊著數心得，仲有特惠外幣兌換，希望大家去日本玩得盡興。唔想錯過最新資訊，就要 set「開啟通知」同埋「搶先看」喇。
我哋舖頭名咁易記都驚唔記得？
唔緊要，記住我哋係「唱錢.舖」，所以另一個網址係 http://SingMoney.Shop
歡迎嚟之前 WhatsApp 預約外幣，鎖定匯率就唔使驚匯率上升，又唔使驚冇貨白行一趟。